2022-2023 оқу жылына
техникалық және кәсіптік білім беру бағдарламасын жүзеге асыратын,
Ә.Қастеев атындағы өнер және дизайн колледжінің оқуға қабылдау
Ережесі
І.Жалпы ережелер.
1. Ә.Қастеев атындағы өнер және дизайн колледжі Қазақстан Республикасы Білім және ғылым министрінің «Білім туралы» Қазақстан Республикасының 2007 жылғы 27 шілдедегі Заңының 11-тармақшасына сәйкес, Қазақстан Республикасы Білім және ғылым министрінің 2018 жылғы 18 қазандағы № 578 бұйрығына, Қазақстан Республикасының Әділет министрлігінде 2018 жылғы 7 қарашада № 17705 болып тіркелген және ҚР БжҒМ-нің №578 бұйрығына өзгерістер мен толықтырулар енгізу туралы ҚР БжҒМ-нің 2020 жылғы 12 мамырдағы №197 бұйрығына,ҚР Әділет министрлігінде 2020 жылғы 12 мамырда №20624 болып тіркелген,негізделіп жасалды.
2. Ә.Қастеев атындағы өнер және дизайн колледжі мекемесіне орта буын маманын даярлау үшін, негізгі орта білімі, техникалық және кәсіптік, орта білімнен кейінгі, жоғары (жоғары кәсіптік) білімі бар Қазақстан Республикасының азаматтары, шетелдік азаматтар және азаматтығы жоқ адамдар, сондай-ақ білім туралы құжатымен (куәлік аттестат) ерекше білім берілуіне қажеттілігі бар адамдар қабылданады.
3. Білім беру ұйымдарына оқуға түсу кезінде Заңның 26-бабының 8-тармағында айқындалған адамдарды қабылдауға квота көзделеді.
ІІ. Техникалық және кәсіптік білім беру бағдарламаларын жүзеге асыратын,
Ә.Қастеев атындағы өнер және дизайн колледжіне оқуға қабылдау тәртібі.
Құжаттарды қабылдауды ұйымдастыру және түсу емтихандарын өткізу:
1. Ә.Қастеев атындағы өнер және дизайн колледжіне тұлғалардың оқуға өтініштерін қабылдау, түсу емтихандарын өткізу мерзімінде және білім алушылар құрамына қабылдау үшін білім беру ұйымдарының басшыларының бұйрығымен күнтізбелік жылғы 10 маусымнан кешіктірмей қабылдау комиссиясы құрылады, ол тақ саннан тұрады. Қабылдау комиссиясының құрамына Қамқоршылық кеңесінің (ол болмаған жағдайда – жұмыс берушілердің өкілдері), қоғамдық ұйымдардың және білім беру ұйымдарының өкілдері кіреді.
Қабылдау комиссиясының шешімі егерде отырыста оның құрамының үштен екі бөлігі қатысқан жағдайда заңды болып табылады. Дауыс тең болған жағдайда қабылдау комиссиясының басшысының шешімі негізгі шешім болып табылады.
2. Ә.Қастеев атындағы өнер және дизайн колледжіне орта буын мамандарын даярлауды көздейтін техникалық және кәсіптік білімнің білім беру бағдарламалары бойынша оқудың күндізгі нысанына күнтізбелік жылдың 25 маусымы мен 20 шілдесі аралығында құжаттарды қабылдау жүргізіледі.
Талапкерлер мемлекеттік көрсетілетін қызметті алу үшін,колледжге не «электрондық үкімет» веб-порталына немесе College Smart Nation автоматтандыру жүйесінің порталына кіріп өтініш жібере алады.
3. Оқуға түсушілер білім беру ұйымдарына оқуға қабылдау туралы өтінішіне білімі туралы құжаттың төлнұсқасын қоса бере отырып, «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген (нормативтік құқықтық актілерді мемлекеттік тіркеу тізімінде №21759 нөмірімен тіркелген) № 075-У нысаны бойынша медициналық анықтаманы, «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (нормативтік құқықтық актілерді мемлекеттік тіркеу тізімінде 6697 нөмірімен тіркелген) № 031-У нысаны бойынша I және II топтағы мүгедектер мен бала жасынан мүгедектер үшін медициналық-әлеуметтік сараптама қорытындысын, 3×4 көлеміндегі 4 фотосуретін қоса береді.
Сонымен бірге,оқуға түсушілердің қабілетін байқау мақсатында шығармашылық жұмыстарын тапсыру ұсынылады.
Оқуға түсетін құжаттарды оқуға түсушінің жеке өзі немесе оның заңды өкілдері ұсынады.
Қабылдау квотасы қарастырылған білім беру ұйымдарына оқуға түсуші тұлғалар санатты растайтын құжаттарын ұсынады
4. Оқуға түсушілерден түскен өтініштер техникалық және кәсіптік білім беру ұйымының тіркеу журналдарына оқытудың нысандары бойынша тіркеледі.
5. Білім беру ұйымына ерекше білім берілуіне қажеттілігі бар тұлғаларды қабылдау таңдалған мамандығы бойынша оқыту үшін қарсы көрсетілімдерінің болмауы туралы психологиялық-медициналық-педагогикалық консультацияның қорытындысы ескеріле отырып, заңды өкілдердің біреуінің өтініші негізінде жүзеге асырылады.
6. Ә.Қастеев атындағы өнер және дизайн колледжіне негізгі орта білімі бар оқуға түсушілер үшін – негізгі орта білімнің жалпы білім беретін оқу бағдарламалары көлемінде екі пән бойынша (қазақ немесе орыс тілі және мамандық бейіні өнер және мәдениет бойынша шығармашылық екі пән емтихан тапсырады.);
7. Орта буын мамандарын даярлауды көздейтін техникалық және кәсіптік білімнің білім беру бағдарламалары бойынша оқуға түсетін адамдар үшін оқудың күндізгі нысанына түсу емтихандары күнтізбелік жылдың 1 тамызы мен 27 тамызы аралығында; өнер және мәдениет мамандықтары бойынша арнаулы немесе шығармашылық емтихандар күнтізбелік жылдың 21 шілдесі мен 28 шілдесі аралығында өткізіледі.
8. Түсу емтихандары:
1) техникалық және кәсіптік білім беру мамандықтары бойынша бейіндік пәндер тізбесі ҚР БжҒМ-нің 2018 жылғы 18 қазандағы №578 бұйрығымен бекітілген 5-қосымшаға сәйкес:
02120200 Киім дизайны – сурет және кескіндеме;
02130100 Кескіндеме,мүсін және графика (түрлері бойынша) — сурет, композиция;
02140100 Сәндік қолданбалы және халықтық кәсіпшілік өнері (бейін бойынша) — сурет, композиция болып бекітілді.
2) арнайы және шығармашылық емтихандар «2», «3», «4», «5» болып бағаланады:
9. Шығармашылық емтихандарды қайта тапсыруға рұқсат етілмейді.
10. Шығармашылық емтихандар бойынша «қанағаттанарлықсыз» деген баға алған немесе емтиханға ешқандай дәлелді себепсіз келмеген азаматтар қалған емтихандарға жіберілмейді
10. Білім беру ұйымында бірыңғай талаптардың сақталуын қамтамасыз ету және түсу емтихандар нәтижелерін бағалау кезіндегі даулы мәселелерді шешу, оқуға түсушілердің құқығын қорғау мақсатында білім беру ұйымы басшысының бұйрығымен апелляциялық комиссия құрылады. Апелляциялық комиссия мүшелері тақ санынан тұрады. Апелляциялық комиссия мүшелері тесттік пәндер бойынша техникалық және кәсіптік білім беру ұйымдарындағы педагогикалық қызметкерлердің санынан құрылады. Бір тестілеу пәні бойынша педагогикалық қызметкерлердің саны кемінде екі адамнан құрылады. Апелляциялық комиссия мүшелерінің құрамынан оның мүшелерінің көп дауысымен басшы сайланады.
Хатшы аппеляциялық комиссияның мүшесі болып табылмайды.
13. Түсу емтихандарының нәтижелерімен келіспеген тұлға апелляцияға шағым береді.
Апелляцияға өтініш апелляциялық комиссияға түсу емтихандарының нәтижелері жарияланғаннан кейін келесі күні сағат 13.00-ге дейін беріледі және апелляциялық комиссиямен өтініш оны берушісінің қатысуымен бір жұмыс күні ішінде өтініш берген күннен бастап қаралады.
ІІІ.Студенттер құрамына қабылдау.
1. Мемлекеттік тапсырыс бойынша негізгі орта білім беру базасында оқуға түсушілер арасындағы Конкурс College Smart Nation автоматтандыру жүйесінің порталында өнер және мәдениет мамандықтары бойынша 29 шілде мен 2 тамызы аралығында өткізіледі.
2. Конкурс нәтижесі бойынша мемлекеттік тапсырысты жеңіп алған талапкерлерді колледж қабырғасына қабылдау қабылдау комиссиясының отырысында қаралып, төрағаның және барлық қатысушы комиссия мүшелерінің қолы қойылған хаттамамен ресімделеді.
4.Қабылданған хаттама негізінде, талапкерлерді оқуға қабылдау жайлы бұйрық шығарылады және колледж директорымен бекітіледі.
5. Қабылдау комиссиясы оқуға түсушілерді қабылдау нәтижелері туралы ақпаратты колледждің ақпараттық стендісіне және колледж сайтына жариялау арқылы оқуға түсушілердің назарына жеткізеді.